Komisioni i Rithemelimit ka njoftuar se është mbyllur procesi zgjedhor për kryetarin e degëve në Poliçan dhe Kolonjë.
Kryetar i PD-së dega Poliçan u shpall Behar Xhaferraj me 69% të votave ndërsa në degën Kolonjë u shpall Viktor Duro, i cili mori 61% të votave.
“Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të fortë e më të hapur”, thuhet në njoftim.
