Një seri sulmesh kanë shënjestruar pjesë të Transnistrias, një rajon separatist i mbështetur nga Rusia në Moldavi që kufizohet me Ukrainën.
Shpërthimet ndodhën në selinë e sigurimit shtetëror në Tiraspol dhe dy shpërthime dëmtuan direkët e radios të kohës sovjetike të martën në fshatin Maiac, rrethi i Grigoriopolit.
Nuk pati raportime për të vdekur apo të plagosur dhe askush nuk e mori menjëherë përgjegjësinë për shpërthimet.
Ministria e Mbrojtjes e Ukrainës i quajti ngjarjet një “provokim i planifikuar nga shërbimet speciale ruse”, përcjell Albanian Post.
Presidenti i Moldavisë paralajmëroi se ato ishin një përpjekje për të përshkallëzuar tensionet, duke fajësuar “fraksionet pro luftës” brenda territorit separatist.
Ja çfarë duhet të dini për Transnistrinë dhe pse ajo ka rëndësi në kontekstin e konfliktit të vazhdueshëm Rusi-Ukrainë.
Çfarë lidhje ka Transnistria me konfliktin Rusi-Ukrainë?
Rusia ka rreth 1 mijë e 500 ushtarë në Transnistria, të cilën Moska i referohet si një forcë “paqeruajtëse”.
Kievi është i shqetësuar se ato forca mund të përdoren për të sulmuar Ukrainën nga perëndimi.
Rusia ka kryer stërvitje ushtarake në rajon deri më 2 shkurt dhe ka thënë se prania ruse është thelbësore për të mbrojtur qytetarët e saj në zonë dhe për të ruajtur paqen midis moldavëve dhe transnistrianëve.
Nëse presidenti rus, Vladimir Putin vendos të përfshijë Transnistrinë në luftë ajo ka pak mundësi për të refuzuar, pasi mbetet e varur ekonomikisht nga Rusia, duke përfshirë gazin falas.
Cilat janë interesat e Rusisë në Transnistria?
Rustam Minnekayev, zëvendëskomandant i qarkut ushtarak qendror të Rusisë, tha javën e kaluar se Rusia synonte të merrte kontrollin e Ukrainës jugore, e cila do t’i jepte asaj akses në Transnistria.
Është e paqartë nëse ushtria ruse, e përfshirë në një luftë për të marrë Ukrainën lindore, do të ishte në gjendje të kapte më shumë territor në Ukrainën jugore dhe të avanconte drejt Moldavisë.
Por, Rusia mund të kërkojë potencialisht të përdorë Transnistrinë për të ndihmuar me ndihmën mjekësore dhe ushqimin, ruajtjen e autokolonave dhe sigurimin e rrjetit hekurudhor dhe duke ofruar një hapësirë të sigurt ku të rifurnizojë trupat e saj, të riparojë pajisjet dhe të rigrupohet.
