Këngëtari Alban Skënderaj ka njoftuar së fundmi se faqja e Facebookut të bashkëshortes së tij Miriam Cani është hakuar.
Ndërsa kërkon ndjesë për përmbajtjen që po postojnë hacker-at në faqen e saj, Albani shkruan se po punojnë për ta rimarrë sa më shpejt të jetë e mundur.
“Të dashur miq, dua t’ju bëjmë me dije që faqja zyrtare e Facebook-ut të Miriamit prej disa ditësh tashmë është marrë nga disa “hackers” në mënyrë të paligjshme. Ju kërkojmë ndjesë për postimet e shpeshta dhe pa asnjë lidhje me Miriamin.
Jemi duke punuar që shumë shpejt faqja t’i rikthehet Miriamit. Faleminderit për durimin dhe mirëkuptimin.”, shkruan ai.
Ndërkohë që së fundmi nga profili i këngëtares janë shpërndarë video dhe përmbajtje që nuk kanë të bëjnë fare me jetën e këngëtares.
