Kryetarja e Lëvizjes Socialiste për Integrim, Monika Kryemadhi vizitoi mëngjesin e sotëm Komunitetin Mysliman Shqiptar, dhe uroi të gjithë besimtarët për festën e Fiter Bajramit.
Ndër të tjera, Kryemadhi thekson se duhet t’i japim dorën njëri tjetrit, të harrojmë të shkuarën dhe të mësojmë nga gabimet e të shkuarës.
“Në radhë të parë, ju uroj të gjithëve ju që jeni këtu sot, edhe pse ditë me shi dhe ditë pushimi, Gëzuar Bajramin. Dhe nëpërmjet jush të gjithë qytetarët shqiptarë kudo që janë dhe që kanë festuar Bajramin mbarësi në familjet e tyre. Të harrojmë të shkuarën dhe të mësojmë nga gabimet e të shkuarës dhe të ecim përpara. Unë ju uroj gëzuar, mbarësi juve dhe të gjithë shqiptarëve kudo që janë”, u shpreh kryetarja e LSI-së.
