Deputetja ukrainase Kira Rudik e Ukrainës, ka raportuar se janë ende 30 fëmijë të bllokuar në fabrikën e celikut në Mariupol.
Ajo tha gjithashtu se ka pasur 20 përpjekje për t’i evakuuar njerëzit nga fabrika, por pa sukses.
“Mund të imagjinoni lotët tanë kur grupi i parë u shpëtua, objektivi kryesor tani është të bëhet një vlerësim i të gjithë fëmijëve që janë ende në fabrikë, së bashku me gratë, të moshuarit dhe ushtarët e plagosur. Hapi më i ndërlikuar ka të bëjë me ushtarët e plagosur sepse Rusia nuk i lejon të dalin jashtë”, tha Rudik.
Deputetja ukrainase tha gjithashtu se dje 156 persona arritën të largoheshin nga qyteti për të mbërritur në Zaporizhzhia.
