Pas orëve të tëra duke lundruar në detin e Sarandës, dy pushuese të huaja janë gjetur në gjendje të mirë shëndetësore nga policia.
Mësohet se dy pushuesit kishin marrë me qira një varkë me pedale rreth orës 12:00 dhe do shëtisnin deri në orën 15:00.
Pasi ka kaluar ora në të cilën duhet të riktheheshin, pronarët e pedialionit janë shqetësuar, duke dhënë alarmin edhe në Policinë Kufitare. Pas kontrolleve të policisë, pushueset u gjetën shëndoshë e mirë në Kanalin e Korfuzit në ujërat greke.
