Deputetja Andia Ulliri edhe sot ka qenë e pranishme në protestën e banorëve të Rinasit, ku u shpreh se do të kërkojë interpelancë me ministren Belinda Balluku.
Ulliri u shpreh se ajo ka dorëzuar në Kuvend një kërkesë për informacion drejtuar ARRSH-së dhe ministrisë së Infrastrukturës, ndërkohë që banorët thonë se vendimi është penalizues ndaj tyre.
“Sot kam dorëzuar në Kuvend shkresën për kërkesë informacioni drejtuar ARRSH dhe Ministrisë së Infrastrukturës dhe Energjisë mbi vendimin e lëvizjes me një sens në aksin Qafë-Kashar- Rrethrrotullimi Nënë Tereza -Ahmetaq”, u shpreh deputetja.
Kërkesa e banorëve vazhdon të jetë e njëjtë.
Ulliri iu bëri thirrje dhe kolegëve të tjerë, deputetë të zonës, që të bëhen pjesë e kësaj proteste.
