Një ngjarje e rëndë e ndodhur mbrëmjen e sotme në komisariatin e Kavajës, ku një 31-vjeçar, ka vrarë veten në komisariatin e Kavajës.
Direkt pas lajmit ka reaguar deputeti i PD-së, Dashnor Sula, i cili është shprehur se, i riu nuk është vetëvrarë por kua ndërruar jetë si pasojë e dhunës policore.
“Kavaja u trondit pasditen e sotme nga një ngjarje e rëndë ku sipas raportimeve të para një 28 vjeçar me inicialet I.S ka ndërruar jetë në ambientet e Komisariatit të Policisë së Kavajës. Burimet më konfirmojnë se i riu nuk ka vrarë veten por ai ka ndërruar jetë si pasojë e dhunës barbare që kanë ushtruar punonjësit e policisë. I bëj thirrje Prokurorisë që të zbardhin ngjarjen me profesionalizëm dhe pa lejuar manipulimin e provave. Opozita po ndjek me vëmendje ngjarjen dhe inkurajojmë organin e akuzës që të bëjnë punën në mënyrë të pavarur,” ka shkruar Sula, në një status në Facebook.
