Sekretari i përgjithshëm i PS-së, Damian Gjiknuri, gjatë një konference për shtyp u shpreh mes të tjerash që ekziston mundësia që presidenti të dalë edhe nga opozita.
“Kemi përjashtuar anëtarët e grupit parlamentar, e dyta është e rëndësishme që të jetë një njeri që ka reputacion të pranueshëm. Dhe opozita mund ta gjejë vetën shumë mirë për atë që ne do të propozojmë. Emri i kreut të shtetit do të publikohet pas konsultimeve. Ekziston mundësia që presidenti të dalë edhe nga opozita”, u shpreh Gjiknuri.
Me tej Gjiknuri theksoi se, mund të ketë dhjetëra emra po presidenti nuk do të zgjidhet ng opinioni publik.
“Nuk e kam të saktë numrin, mund të kenë dhjetëra emra por nuk zgjidhet nga opinioni publik. Emra ka, nga të gjitha profilet, qoftë nga politika, akademia, diplomacia etj. Kur themi ulemi në negociatë me palët vendimmarrëse, pastaj nga gama e emrave që mund të kenë ardhur, fillon dhe ngushtohet rrethi i kandidatëve“.
