Qirinjtë e vendosur në dritaren e shtëpisë në Memaliaj, shkaktuan djegien e banesës si dhe rrezikuan jetën e pjesëtarëve të familjes Shehu.
Komshinjtë e familjes kanë treguar se ata ndiznin çdo natë qirinj në formë të një rituali fetar, dhe kjo gjë ka shkaktuar zjarrin dhe asfiksimin e kryefamiljarit Fatmir Shehu.
Njëri nga banorët ka treguar se 4 pjesëtarët e familjes kishin probleme të shëndetit mendor dhe se policia e dinte këtë gjë, por nuk kishte si të reagonte.
“Isha në shtëpi brenda me vajzën dhe gruan. Erdhi vajza me vrap më thotë eja na xirr nënën se është brenda, shkova e pashë flakë e madhe s’kishte perëndi të futeshe brenda. Unë mora në telefon policinë dhe më pas erdhi zjarrfikësja dhe e fiku zjarrin. Këtë banesën e kanë të tyren, dyshohet se në tavolinë kishin qirinj të ndezur nuk e dimë të saktë. Të 4 personat e familjes janë me probleme mendore dhe nuk lëvizin fare, janë pak problematik në lagje, policia dhe bashkia e di po thonë s’kemi çfarë tu bëjmë. Shteti të merret me këtë punë. Këtu është rrugë nacionale, kalojnë vajza fëmijë dhe kanë frikë nga këta por dalim ne i shoqërojmë”, tregon komshiu.
