Burg pa afat vendosi sot gjykata në Shkodër për autorin e aksidentit që u mori jetën dy polakëve që kishin ardhur për të njohur bukuritë e Shqipërisë. Drejtuesi i makinës që shkaktoi aksidentin David Gjonaj u shpreh se gjithçka ndodhi nga pakujdesia.
27-vjeçari ka deklaruar se tentoi që të hynte në një pikë karburanti, ku në fakt nuk lejohej që të kthehej dhe ku nuk ndezi as sinjal. Përplasja kokë më kokë me motorin ishte fatale për çiftin polak Waldemar Makowski dhe Marta Makowska që humbën jetën në vend ditën e premte.
