Një kredi prej 75 milionë dollarësh (72.2 milionë euro), për një projekt për përmirësimin e performancës operative dhe financiare të ujësjellës-kanalizimeve në Shqipëri ka akorduar Banka Botërore.
Ndërsa Sekretariati Shtetëror Zviceran për Çështjet Ekonomike (SECO) do të sigurojë një grant prej 6.3 milionë dollarësh për koston e projektit.
Lajmin është bërë i ditur nga Banka Botërore, nëpërmjet një deklarate.
Granti, sipas huadhënësit global, do të menaxhohet prej Bankës Botërore dhe do të sigurojë financim për asistencën teknike, ngritjen e kapaciteteve brenda institucioneve të sektorit qendror dhe zbatimin e monitorimin. Gjithashtu edhe për vlerësimin e rezultateve të programit.
Projekti për modernizimin e sektorit të furnizimit me ujë dhe kanalizimeve në Shqipëri kap një vlerë totale prej 135 milionë dollarësh dhe është bashkëfinancuar nga qeveria e vendit.
Në qendër të mandatit të tretë qeverisës të Partisë Socialiste vëmendja ka qenë pikërisht kushtuar reformës së sistemit të Ujësjellës-Kanalizimeve.
