GJKKO ka dhënë këtë të diel masën e sigurisë arrest me burg për ish-drejtorin e Kadastrës në Sarandë, Laert Pasha, i cili akuzohet për korrupsion.
Laert Pasha, zyrtar i Kadastrës së Sarandës, u arrestuar për korrupsion pas denoncimeve. 41-vjeçari, banues në Sarandë, ishte me detyrë specialist i sportelit dhe arkivës në zyrat e ASHK Sarandë.
Rasti u denoncua nga emision investigativ, ku një pronari hoteli në Sarandë tha se i kishin premtuar legalizimin përmes korrupsionit.
Pas 3 vitesh, denoncuesi kishte mbajtur kontakte me Laert Pashën, ish-drejtorin e Kadastrës në atë kohë, këtë here i kërkon 4000 Euro për nxjerrjen e hipotekës së hotelit.
Drejtori i Përgjithshëm i Kadastrës, Artan Lame tha pas arrestimit se u kërkon falje qytetarëve për këtë rast abuzimi.
