Një deputet konservator është arrestuar nën dyshimin për përdhunim dhe sulm seksual, raporton BBC.
Policia Metropolitane konfirmoi se deputeti është lënë në paraburgim mbi akuzat që datojnë midis 2002 dhe 2009. Partia Konservatore tha se atij i ishte kërkuar që të mos merrte pjesë në Parlament ndërkohë që hetimi është në vazhdim.
Deputeti, identiteti i të cilit nuk është bërë publik, po përballet gjithashtu me akuza për shpërdorim të pozitës së besimit dhe sjellje të pahijshme në një detyrë publike.
Një zëdhënës i Policisë tha: “Në janar 2020, Met mori një raport në lidhje me shkeljet e dyshuara seksuale të kryera midis 2002 dhe 2009. Vendet dyshohet se kanë ndodhur në Londër”.
