Deputeti i Partisë Demokratike Luçiano Boçi, është shprehur se zgjedhja e Presidentit nuk mund te kryhet vetëm me propozimin e emrave nga opozita në 3 raunde.
Ndër të tjera ai theksoi se Edi Rama po tallet me Enkelejd Alibeaj.
“Është tallja e radhës me procesin e presidentit dhe na vjen keq që niveli i diskutimit të jetë kaq qesharak dhe tallë. Negociatat duhet të jenë në përputhje me atë që përcakton Kushtetuta. Askush s’mund t’ ja heqë të drejtën opozitës per të propozuar emrat e kandidatëve në 5 raunde. Ka një kontradiktë, pasi Alibeaj s’ka asnjë mandat të dhënë nga PD. Nëse nuk respektohet Kushtetuta, ne do të shohim qëndrimet tona. Alibeaj nuk ka të drejtë të jetë përfaqësues i opozitës. Edi Rama po tallet me Alibeaj, duke i çuar Taulant Ballën për negociata, dhe duke realizuar kështu një negociatë që ai do” ,u shpreh Boçi.
