Episodi i dytë i “Thuaje” nga Luana Vjollca kishte në qendër vuajtjet dhe dhuna që bëhet ndaj femrave.
Ajo kiu ka bërë thirrje vajzave dhe grave që të jenë të forta dhe të mos heshtin para asgjëje.
Menjëherë pas publikimit të episodit të dytë të “Thuaje”, Luana ka surprizuar të gjithë fansat me lançimin e këngës së saj më të re, të titulluar “Trauma”.
Me një tekst goditës në çdo fjalë, pamje rrënqethëse që shfaqin një grua teksa tentohet të abuzohet seksualisht dhe dhunohet, ky projekt padiskutim nxjerr në pah anët më të errëta të shoqërisë shqiptare.
Në fund ajo ka dhënë një mesazh sensibilizues, ku kërkon që t’i jepet fund dhunës ndaj femrave.
