Presidenti Ilir Meta në një konferencë për mediat ka vlerësuar dhe përshëndetur rezolutën e PE-së që kërkoi hapjen e negociatave dhe më pas u ndal te shqetësimet që ngrinte dokumenti, nga problemet e medias, problemet e drejtësisë, korrupsioni, etj.
“Rezolutës t’i kushtohet një vëmendje e veçantë pasi janë diagnostikuar problemet që e kanë bërë të pamundur çeljen e negociatave.
Votimi në parim i kësaj rezolute tregon një qasje strategjike të PE-së për të përkrahur politikën e zgjerimit edhe në kushtet e agresionit rus kundër Ukrainës, por i ka evidentuar të gjitha problemet e demokracisë sonë” tha Meta.
