Mediat kroate kanë raportuar se vend i tyre është goditur sot nga një breshër i fortë i cili ka shkaktuar edhe shumë dëme.
Dëmi ende nuk mund llogaritet, por sipas dëshmive të banorëve të përcjella nga Index, në zonat që janë përfshirë nga breshëri, dëmi në të mbjellat është shumë i madh dhe përveç të mbjellave janë dëmtuar edhe disa xhama, kryesisht të automjeteve.
Ngjarja ka ndodhur pak pas orës 17:00, ndërsa madhësia e breshrit ka qenë afërsisht sa e një kokrre arre dhe për një kohë të shkurtër mbuluan lëndinat dhe rrugët.
Meteoalarm lëshoi një paralajmërim portokalli për Slloveninë dhe Kroacinë qendrore për shkak të stuhive të mundshme të forta dhe erës.
