Koreja e Veriut ka testuar tri raketa në brigjet e saj lindore, duke përfshirë një raketë të dyshuar balistike ndërkontinentale (ICBM), sipas qeverive të Koresë së Jugut dhe Japonisë.
Testet të mërkurën erdhën disa orë, pasi presidenti i Shteteve të Bashkuara, Joe Biden, u largua nga rajoni pas një turneu pesë-ditor, gjatë të cilit ai u zotua të mbronte Korenë e Jugut dhe Japoninë përballë arsenalit në rritje bërthamore dhe raketore të Koresë së Veriut.
Shefi i Shtabit të Përbashkët të Koresë së Jugut (JCS) tha se raketa e parë u lëshua nga zona Sunan në kryeqytetin e Koresë së Veriut, Phenian, në orën 6 të mëngjesit me kohën lokale (21:00 GMT) të mërkurën.
