Dy të rinj nga Tirana, të identifikuar si D.S., 20 vjeç dhe A.S., 22 vjeç kanë rënë në prangat e policisë së Gjirokastrës. Ata u kapën në flagrancë në vendin e quajtur “Ura e Lumit”, duke transportuar 3 emigrantë të paligjshëm kundrejt fitimit.
Të rinjve iu sekuestruan dhe një automjet si dhe dy telefona celularë në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufijve”.
Kujtojmë se ky nuk është rasti i vetëm i transportimit të emigrantëve të paligjshëm pasi në javët e fundit janë regjistruar shumë raste të tilla në Qarkun e Gjirokastrës.
