Kancelari gjerman Olaf Scholz shpreson që Bashkimi Europian të arrijë një konsensus për vendosjen e embargos të naftës ruse por nuk dha një afat kohor.
“Gjithçka që dëgjoj tingëllon sikur mund të ketë një konsensus dhe herët a vonë do të ketë,”- tha ai ndërsa mbërriti për një samit të BE-së në Bruksel.
Sipas Sky News, kryeministrja e Estonisë Kaja Kallas tha se nuk ka gjasa që vendet anëtare të BE-së të arrijnë një marrëveshje të plotë për sanksionet e reja kundër Rusisë në samitin e sotëm.
“Nuk mendoj se do të arrijmë marrëveshje sot”, -tha zoti Kallas.
Ai shtoi se kishte më shumë gjasa që një marrëveshje të arrihet në samitin e ardhshëm në qershor. Diplomatët e BE-së po përpiqen të arrijnë një marrëveshje përpara një samiti dy-ditor të liderëve të BE-së që fillon këtë pasdite.
Pika fillestare për bisedimet e tyre është propozimi i Komisionit Evropian nga 4 maji për raundin e gjashtë dhe më të ashpër të sanksioneve të BE-së kundër Rusisë. Propozimi përfshin një ndalim të importit për të gjithë naftën ruse nga deti dhe tubacionet.
