Një aksident i rëndë me pasojë një të vdekur ka ndodhur mbrëmjen e së martës pranë pikës kufitare të Kakavijës.
Mësohet se një automjeti tip Benz është përplasur me një traktor. Përplasja ka qenë e fortë pasi dyshohet se Benzi ishte duke lëvizur me shpejtësi të lartë, ndërsa traktori ishte pa ndriçim.
Si pasojë e aksidentit mësohet se ka ndërruar jetë në vendin e ngjarjes drejtuesi i traktorit, 32-vjeçari, Harallamb Stamati.
“Rreth orës 21:10, në aksin rrugor Gjirokastër-Kakavije, në afërsi të fshatit Kakavije, automjeti tip “Benz “, me drejtues shtetasin I. M., 41 vjeç, banues në Gjirokastër, është përplasur me automjetin tip zetor, me drejtues shtetasin Ll. Ç., 32 vjeç, banues në fshatin Kakavije, Gjirokastër.
Për pasojë ka humbur jetën drejtuesi i zetorit, shtetasi Ll. Ç., si dhe është dëmtuar drejtuesi i automjetit “Benz”, shtetasi I. M., i cili u transportuan në spitalin Rajonal Gjirokastër për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit”, njofton policia.
