Presidenti Ilir Meta ka zhvilluar një takim me liderin e opozitës në Turqi, kreun e Partisë Republikane, Kemal Kiliçdaroglu.
Përmes një mesazhi në rrjetin social “Facebook”, kreu i shtetit theksoi se me Kiliçdaroglu diskutuan mbi potencialet e jashtëzakonshme që ekzistojnë për forcimin e marrëdhënieve tradicionale dhe miqësore midis dy vendeve dhe popujve tanë.
MESAZHI I METËS
🇦🇱🤝🇹🇷 I ngrohtë dhe miqësor takimi në Stamboll me Liderin e Opozitës në Turqi, Kryetarin e Partisë Republikane, z.Kemal Kiliçdaroglu. Kënaqësi të zhvillonim një diskutim të hapur dhe shumë të frytshëm mbi potencialet e jashtëzakonshme që ekzistojnë për forcimin e marrëdhënieve tradicionale dhe miqësore midis dy vendeve dhe popujve tanë.
Mik i sinqertë i Shqipërisë dhe popullit shqiptar, z.Kiliçdaroglu më konfirmoi vullnetin e Tij se forcimi i miqësisë dhe partneritetit strategjik midis Shqipërisë dhe Turqisë është interes i gjithanshëm dhe afatgjatë i dy popujve tanë dhe do të jetë prioritet i angazhimit të Tij.
E ftova për një vizitë në Tiranë, të cilën e priti me shumë kënaqësi.
