Gjermania është investitori më i madh i huaj në Serbi, ka thënë presidenti serb, Aleksandër Vuçiç, derisa kancelari gjerman, Olaf Scholz, është treguar më konkret, duke folur për numrin e saktë të vendeve të punës që i kanë hapur kompanitë gjermane në Serbi.
“Ne jemi të lumtur që marrëdhëniet tona ekonomike po vazhdojnë mirë. Kemi më shumë se 75 mijë vende pune në Serbi nga kompanitë gjermane. Shpresoj se do të vazhdojë të rritet ky numër”, deklaroi Scholz në konferencë të përbashkët për media me presidentin serb në Beograd.
Scholz, pasi e ka kryer pjesën e fjalimit për ekonominë, ka folur për sanksionet që patjetër duhet Serbia t’ia vendosë Rusisë.
