Organizata për mbrojtjen e kafshëve në Shqipëri Animal Rescue Albania, përmes një postimi në Instagram ka denoncuar kushtet në të cilat mbahen kafshët në Kopshtin Zoologjik të Tiranës.
Ndërkohë që një tjetër problematikë që ngrihet është ushqimi i pakët dhe uji që janë në dispozicion të kafshëve.
“Nisëm me dhelprën e cila ndodhej në një rrethim pa asnjë pemë, shkurre apo hije ku të futej. Dhelpra kishte vetëm një tub betoni 1.5 metra i gjatë i mbuluar me pak dhe, i cili shërbente se strehë për këtë krijesë. Kuptohet që gjendja e saj ishte e rëndë dhe i nxehti i pa përballueshëm. Ushqimi, pak misër dhe uji në një kovë boje plastike të pisët. Rrethimi i dhelprës prej rrjete të hollë metalike,i pa sigurt, i fiksuar kryesisht me disa vida. Nuk kishte një hapësirë sigurie mes dhelprës dhe vizitorëve. Fëmijët mund të fusin duart lehtësisht brenda rrethimit dhe të jenë objekt kafshimi apo lëndimi”, thuhet në postim.
