Janë zbuluar emrat e 5 shqiptarëve, të cilët janë arrestuar në Trieste të Italisë, disa ditë më parë nga një operacion kundër grupit kriminal ‘Clan del Golfo’.
Në operacionin u sekuestruan 4.3 ton kokainë dhe 2 milionë euro, përfshirë disa mjete transporti.
Mes të arrestuarve rezultojnë edhe emrat e disa të rinjve shqiptarë. Ata janë Renato Ulja, Ervin dhe Enri Hardolli, Altin Lleshaj, Denis Kacaj dhe Moreno Demaj. Dy vëllezrit Ervin dhe Enri janë djemtë e Gëzim Hardollit, i cili ka mbajtur postin e kryetarit të komunës të PD-së.
Mediat e vendit fqinj bëjnë me dije se shumë prej të arrestuarve gjatë hetimit kanë vendosur të rrëfehen, duke i dhënë hetuesve detaje të rëndësishme për pista të reja hetimore.
