Veteranët e Ushtrisë Çlirimtare të Kosovës që po protestojnë në oborrin e Kuvendit të Kosovës me kërkesën për përfshirjen e pensionit të tyre në ligjin për pagën minimale, kanë deklaruar se nëse qeveria nuk merr masa, atëherë ata do ta shtojnë presionin e do t’i sofistikojnë metodat e kundërshtimit.
Një prej tyre, vendosja me tenda para Kuvendit, derisa t’u realizohet kërkesa.
“Nëse kryeministri s’merrr vesh dhe ligji e merr fuqinë e plotë ne e dërgojmë në Gjykatën Kushtetuese”, ka thënë Klinaku, ushtrues detyre i kryetarit të Organizatës së Veteranëve të Luftës së Ushtrisë Çlirimtare të Kosovës. Atje do të konstatohet se këta e kanë shkelur kushtetutën”, shtoi ai, por derisa të ndodhë kjo “do të dalim edhe me tenda dhe deri sa të merr vesh neve na ka në rrugë”.
