Udhëtim i papritur, Johnson i bën surprizë Zelenskyt

Kryeministri britanik Boris Johnson udhëtoi të premten në kryeqytetin ukrainas të Kievit për të vizituar presidentin Volodymyr Zelensky për herë të dytë, sipas Presidencës së Ukrainës.

Video nga Presidenca tregoi Zelensky duke përshëndetur ngrohtësisht Johnson përpara se të dy burrat të hynin brenda një ndërtese presidenciale për një takim. Dy liderët u shfaqën të ulur në një tavolinë duke diskutuar nevojën e Ukrainës për armë të rënda për të kundërshtuar agresionin e vazhdueshëm të Rusisë.

Zelensky tha në Telegram:”Shumë ditë të kësaj lufte kanë dëshmuar se mbështetja e Britanisë së Madhe për Ukrainën është e fortë dhe e vendosur. Gëzohem që shoh përsëri mikun e madh të vendit tonë Boris Johnson në Kiev.”

Johnson postoi një fotografi të tij dhe Zelensky në kryeqytetin ukrainas të premten në llogarinë e tij zyrtare në Twitter.