Në konferencën për shtyp të kësaj të marte, Ilir Meta u pyet nga gazetarët edhe për akuzat ndaj tij të ngritura nga gazeta austriake për lobim për një foto në SHBA.
Ai u shpreh se gazeta austriake do ta marrë përgjigjen atje në seancat që do të mbahen atje. Por ndërkohë, mes rreshtave, ai theksoi se njerëzit e përfshirë në këtë çështje, por edhe atë të inceneratorëve, janë duke kërkuar azil në Vjenë. Meta theksoi se ky sistem do të shkundet nga themelet më 25 korrik.
“Këto lajme absurde si vet personazhet që i njihni të gjithë nuk krijojnë asnjë shpërqendrim nga detyrat e presidentit deri më 24 korrik, por edhe nga angazhimet e zotit Ilir Meta duke nisur nga 25 korriku.
Gazeta austriake do ta marrë përgjigjen atje në seancat që do të mbahen atje. Kjo është një histori që nuk ekziston. Ata që janë në Vjenë në kërkim të azilit
Ky është një sistem që do të shkundet nga themeli më 25 korrik”, tha Meta.
