Regjisorja Vjosa Berisha humbi jetën ditën e sotme. Ajo ishte diagnostikuar me kancer në vezore prej më shumë se një viti.
Edhe pse vijonte të merrte trajtim mjekësor, ajo nuk ia doli dot.
Vjosa ishte themeluese e “Festivalit Ndërkombëtar të Filmit në Prishtinë (PriFest)” në 2008 si dhe bagazhi i saj artistik ishte mjaft i pasur dhe për tu admiruar.
Vdekja e saj ishte një lajm mjaft i hidhur për familjarët, miqtë e kolegët e saj.
humë personazhe të botës së ekranit reaguan në rrjete sociale për vdekjen e regjisores së njohur.
Ndër ta përmendim: Besnik Krapi, Vesa Smolica, Dafina Zeqiri, Kushtrim Sheremeti, Rifat Smani, Genc Salihu, Xhejlane Tërbunja, Arbana Osmani etj.
Moderatorja e njohur, Arbana Osmani publikoi një foto me të ndjerën Vjosa, ku shkruan: “Sa më pikëllove o Vjosa, sa shumë do na mungosh, ah sa shumë”.
Nga ana tjetër, këngëtarja e njohur Dafina Zeqiri ka publikuar një bisedë që ka zhvilluar më parë me Vjosën dhe më tej shkruan: U prehsh në paqe ti njeri i bukur!
Vjosa arriti të prodhojë filmin e saj të parë si producente, që titullohet “The Flying Circus” (2019) me skenar dhe regji të Fatos Berishës.
Ajo është konsideruar gjithnjë si një femër mjaft e fortë dhe e ‘hekurt’.
