Komisioni i Çështjeve Sociale ka miratuar aktin normativ të qeverisë që do të kompensojë materialet e ndërtimit për kompanitë që janë prekur nga rritja e çmimeve.
Pas shumë debateve, kryetarja e komisionit Grida Duma pranoi që ta hidhte në votim, por duke i kërkuar më parë zv/ ministrit të Infrastrukturës, Ilir Bejtja informacion.
“Dua informacion për 300 kontratat dhe kë mund të prekë, ne e duam. Ndryshimin e çmimit e duam zyrtarisht dhe të dhënat për referencën nga e para te e dyta e duam.
Cdo kontratë do të bëhet publike” kërkoi Duam. “Po, patjetër” tha Bejtja duke shuar debatin.
Nga Akti mund të përfitojnë shumë mirë kompani që kanë vonuar punimet, ose nënkontraktorët e operatorëve që kanë fituar tendera publikë.
Akti Normativ i qeverisë parashikon kompensimin në masën 5 deri 30% të materialeve të ndërtimit për kompanitë e angazhuara në vepra publike.