Inteligjenca ukrainase ka njoftuar se 144 ushtarë ukrainas, përfshi shumë luftëtarë të kapur rob në fabrikën e çelikut Azovstal në qytetin port të Mariupolit, janë shkëmbyer me të ushtarëve rusë të burgosur.
“Ky është shkëmbimi më i madh që nga fillimi i pushtimit rus të Ukrainës. Nga 144 të liruarit, 95 janë luftëtarë të Azovstal,” thuhet në deklaratën e drejtorisë së inteligjencës të ministrisë së mbrojtjes të Ukrainës.
Ai shtoi se 43 nga ushtarakët e liruar i përkisnin regjimentit të Azov-it, një ish njësi paraushtarake që tani është e integruar në ushtrinë ukrainase.
Një shkëmbim tjetër u bë të martën, në 28 qershor dhe përfshinte 17 të burgosur ukrainas.
