Papa Françesku ka thënë se Kombet e Bashkuara janë të pafuqishme për t’i dhënë fund luftës në Ukrainë.
Në një intervistë në spanjisht me agjencinë kombëtare të lajmeve të Argjentinës “Télam”, Papa tha se kushtetuta e OKB-së “nuk i jep organizatës atë lloj pushteti”.
Papa theksoi rëndësinë që OKB ka pasur në parandalimin e luftërave, si dhe shtoi se ajo tashmë “nuk ka fuqi për të pohuar autoritetin e saj” mbi luftën e Ukrainës dhe konfliktet e tjera në mbarë botën.
Ai gjithashtu bëri thirrje për “guxim dhe kreativitet” nga institucionet ndërkombëtare, duke thënë se të dyja janë të nevojshme për të ndihmuar në zgjidhjen e konflikteve shumë serioze.
