Erkand Qerimaj i dhuron një tjetër medalje Shqipërisë, këtë herë në Lojërat Mesdhetare në peshën 73 kg.
Qerimaj e nisi garën me peshën 148 kg, provë të cilën nuk arriti ta kalojë me sukses. Qerimaj provoi menjëherë, sërish me të njëjtën peshë, 148 kg, por pa mundur ta mbajë shtangën lart.
Peshëngritësi shkodran provoi në provën e tretë me 149 kg, peshë të cilën arriti ta mbajë lart por në fillim trupa e gjyqtarëve e konsideroi të parregullt, çka solli tension dhe protesta nga Qerimaj dhe i gjithë delegacioni i Shqipërisë.
Pas verifikimit, prova e Qerimaj u cilësua e rregullt, peshë që i dhuroi Qerimaj medalje të argjendtë në stilin e shkëputjes.
