Presidenti i Republikës Ilir Meta ka takuar ditën e sotme Kryetarin e Komunitetit Mysliman të Shqipërisë, Haxhi Bujar Spahiu dhe Kryegjyshin Botëror të Bektashinjve, Haxhi Baba Edmond Brahimaj, për të ndarë me ta dhe të gjithë besimtarët urimet më të përzemërta për festën e Kurban Bajramit.
‘Lutjet, sakrificat e jashtëzakonshme dhe veprat e mira, me bekimet e Zotit, uroj të shpërblehen në sa më shumë mirësi, begati dhe të ardhme më të mirë, për familjet shqiptare, sidomos për fëmijët e tyre’, shkruan Meta në Facebook.
Postimi
Shumë i lumtur të takoja sot Kryetarin e Komunitetit Mysliman të Shqipërisë, Haxhi Bujar Spahiu dhe Kryegjyshin Botëror të Bektashinjve, Haxhi Baba Edmond Brahimaj, për të ndarë me ta dhe të gjithë besimtarët urimet më të përzemërta për festën e Kurban Bajramit.
Lutjet, sakrificat e jashtëzakonshme dhe veprat e mira, me bekimet e Zotit, uroj të shpërblehen në sa më shumë mirësi, begati dhe të ardhme më të mirë, për familjet shqiptare, sidomos për fëmijët e tyre.
ME FAT KURBAN BAJRAMIN! 🤲🇦🇱
