Ditën e mërkurë do të mblidhet Komiteti i Disiplinës i Dhomës së Avokatisë së Shqipërisë. Komiteti do të shqyrtojë ankimet e bëra për avokatët që kanë thyer bojkotin.
Në të dy mbledhjet e Dhomës së Avokatisë të datës 29 qershor dhe 8 korrik u përcaktua që thyerja e bojkotit do të konsiderohej shkelje e rëndë.
Kreu i Dhomës Maks Haxhia paralajmëroi se kush thyente bojkotin do i hiqej licenca. Janë të shumtë avokatët, shumë prej tyre të zgjedhur kryesisht, por jo vetëm që kanë thyer bojkotin.
Avokatët vazhdojnë bojkotin kundër hartës së re gjyqësore.
