Kryeministri i Kosovës, Albin Kurti, takimin me ministrin e Jashtëm polak, njëherit kryesues aktual i OSBE-së, Zbigniew Rau, e ka quajtur takim historik.
Kështu është shprehur kryeministri përmes një cicërime në rrjetin social ‘Twitter’.
“Kënaqësi të mirëpresim ministrin e Jashtëm të Polonisë për një vizitë miqësore dhe historike”, ka shkruar Kurti në Twitter.
Ndërsa, ka bërë të ditur se në takim është diskutuar edhe për avancimin e raporteve dypalëshe.
“Të lidhur me vlerat e përbashkëta të BE-së dhe luftën për liri, ne patëm një diskutim mbi paqen dhe sigurinë në Evropë dhe avancimin e marrëdhënieve dypalëshe midis vendeve tona”.
Edhe presidentja Osmani në takim me ministrin Rau ka folur edhe për rëndësinë e anëtarësimit të Kosovës në organizata ndërkombëtare.
Gjatë ditës shefi i OSBE-së wshta takuar edhe me kryeparlamentarin Glauk Konjufca.
Temë diskutimi Rau me liderët shtetëror të Kosovës e ka pasur angazhimin e Polonisë në rajon si kryesuese e radhës e OSBE-së.
