Brukseli ka mirëpritur vendimin e Maqedonisë që miratoi propozimin francez që i hap rrugën Shkupit dhe Tiranës për negociatat.
Presidentja e Komisionit Evropian Von der Leyen e cilëson historike votën në Shkup.
“Urime Maqedonisë së Veriut për votimin që tani hap rrugën për hapjen e shpejtë të negociatave të anëtarësimit. Ishte një mundësi historike.
Dhe ju e kapët atë. Një hap i madh në rrugën tuaj drejt një të ardhmeje evropiane. E ardhmja juaj” shkruan, Von der Leyen.
Edhe komisioneri Oliver Varhelyi e ka përshëndetur vendimin. “E mirëpres rezultatin e votimit të sotëm pas diskutimeve të ditëve të fundit në Parlament duke dhënë mandat të qartë për Qeverinë për të filluar konferencën e parë.
Mezi presim hapjen e negociatave të anëtarësimit të martën ndërsa takohemi në Bruksel” shkruan ai.
