Ditën e sotme gjykata e Apelit do të japë vendimin për deputetin e PD-së, Ervin Salianji për dosjen “Babale”. Salianji u shpall fajtor në shkallën e parë për veprën penale kallëzim i rremë në lidhje me çështjen “Babale” dhe u dënua me një vit burg nga gjykata.
Tani në apel, tre janë rrugët; dënim me burg, i konvertuar në shërbim prove ose i pafajshëm. Përpara vendimit, deputeti ka preferuar që të marrë pjesë në komisionin e Sigurisë kombëtare, ku debati për kriminalitetin në vend ka qenë i ashpër mes deputetëve të PD-së dhe PS-së.
Në një moment, teksa po fliste Ferdinand Xhaferraj, Salianji është shfaqur duke shfryrë nervozizmin me mikrofonin që nuk punonte. Në mesditë do të jetë vendimi.
