Policia ka bërë të ditur se ka shoqëruar në komisariat 10 persona për atentatin e ndodhur një ditë më parë në urën e Tapizës në Fushë Krujë.
Ndërkohë, zbardhen detaje të reja nga masakra e trefishtë në Fushë Krujë, ku u ekzekutuan me kallashnikov dhe u dogën brenda makinës shtetasit Brilant Martinaj, Diklen Vataj dhe Besmir Hoxhaj.
Personat e arrestuar janë marrë në pyetje për vrasjen e trefishtë, që tronditi mbarë vendin.
Të gjithë të shoqëruarit janë dërguar në Drejtorinë e Policisë së Durrësit, pasi në Fushë Krujë nuk ka ambiente. Ndërkohë, edhe sot me dhjetëra forca të FNSH kanë mbërritur në Fushë Krujë, për të mbledhur të tjera prova nga vendngjarja.
