Vladimir Putin nuk ishte në formën e tij fizike më të mirë gjatë vizitës në Teheran. Kështu raporton tabloidi britanik The Sun ndërsa ka publikuar edhe pamje nga momenti kur lideri rus zbret nga aeroplani.
The Sun ka analizuar lëvizjet e kreut të Kremlinit përgjatë tapetit të kuq ndërsa krahu i tij i djathtë varet në mënyrë të pakontrollouar. Putin duket edhe sikur çalon teksa ecën, pasi ka zbritur shkallët e avionit presidencial.
Ai në një moment bëri me dorë nga njerëzit e mbledhur përpara se të futej në autokolonën presidenciale për të vazhduar rrugën për në qytet.
