Sulmuesi i ri i Bayern Munich, Sadio Mane ka fituar çmimin ‘Futbollisti Afrikan i Vitit’ në një ceremoni të mbajtur mbrëmjen e së enjtes.
Konfederata Afrikane e Futbollit (CAF) ka bërë ndarjen e çmimeve për më të mirët e vitit në një ngjarje gala në Marok.
Lojtari më i mirë afrikan i vitit është zgjedhur pa asnjë dyshim sulmuesi i ri i Bayernit, Sadio Mane.
Mane pati një vit të suksesshëm duke fituar trofeun e Kupës së Afrikës me kombëtaren e tij, Senegalit.
Kjo ishte hera e dytë që ish-ylli i Liverpoolit zgjidhet më i miri i vitit.
