Ish-Presidenti Ilir Meta kërcënoi Edi Ramën se do të largohet nga pushteti nëse jo me votë me protesta. Ai tha se Partia e Lirisë është përtej së majtës dhe të djathtës, gjithëpërfshirëse.
“Qeveria do të ikë me zgjedhje dhe protesta, ose me protesta dhe me zgjedhje. Jemi gati për zgjedhje, kudo dhe kurdo dhe jemi të bindur te triumfi i saj.
Partia e Lirisë, e majtë apo e djathtë? Sovraniteti, kushtetuta, demokracia, është e majtë apo e djathtë?
Është gjithëpërfshirëse. Po PS sot është e majtë? PS është patriotike sot? Sot ka frikë të përmendë gjenocidin që ka ndodhur në Kosovë.
Partia e Lirisë është patriotike, do të ndezë flakën e lirisë. Nuk do i vendosë zjarrin Shqipërisë, por do ta shpëtojë. Jemi një parti ultra demokratike, jo nacionaliste. Nuk kemi pretendime territoriale.” tha ai.
