Sërish në Kosovë është shënuar numër i madh i të infektuarve me COVID-19.
Brenda 24 orëve, Ministria e Shëndetësisë ka raportuar se janë regjistruar 869 raste pozitive dhe dy persona të vdekur.
Numri i të infektuarve vjen nga 2 mijë e 703 mostra të marra nga Shërbimi Spitalor dhe Klinik Universitar i Kosovës.
Sipas Ministrisë së Shëndetësisë, gjatë 24 orëve të fundit janë shëruar 1 mijë e 256 persona.
Raste aktive me COVID-19, janë gjithsejtë 6 mijë e 527.
Brenda 24 orëve të fundit, në Kosovë janë vaksinuar 50 persona.
Numri i personave të vaksinuar me dozën e parë arrin në 904 mijë e 17, kurse numri i të vaksinuarve me të dy dozat është 824 mijë e 324.
