Tre persona janë arrestuar gjatë ditës së sotme në Mitrovicë të Jugut, pasi dyshohet për rrëmbimin dhe dhunimin e një vajze 18-vjeçare.
Policia njofton se për veprën penale rrëmbim janë arrestuar 20-vjeçari me inicialet H. M., dhe 21-vjeçari me inicialet G. B.
“Arrestimi i tyre është bërë mbi dyshimet e arsyeshme dhe provave të siguruara, se në orët e mbrëmjes së datës 12 gusht 2022, në Mitrovicë, dy të dyshuarit kanë rrëmbyer viktimën femër/kosovare të moshës 18 vjeçare, të cilën me forcë e kanë futur në veturë, me ç’rast ndaj sajë ishte ushtruar dhunë në forma të ndryshme duke i shkaktuar lëndime trupore. Viktimës i është ofruar tretman i nevojshëm mjekësor”, thuhet në komunikatën për media.
“Lidhur me veprat penale janë ndërmarrë një varg veprimesh operative e hetimore përfshirë edhe bastisje në dy lokacione ku janë gjetur dëshmi materiale që ndërlidhen me veprat penale”.
Mbi dyshimet e arsyeshme dhe provat e siguruara, 20 dhe 21-vjeçari po hetohen për veprën penale ‘Rrëmbim’, ndërsa 34-vjeçari po hetohet për veprën penale ‘Dhunim’. /Telegrafi
