Një aksident me pasojë 3 persona të plagosur ka ndodhur këtë të diel në Librazhd, si pasojë e përplasjes së dy automjeteve.
“Në aksin rrugor Librazhd-Qafë Thanë, në fshatin Pishkash, mjeti tip “Ford”, me drejtues shtetasin K.S., 24 vjeç, banues në Tiranë është përplasur me mjetin tip “Skoda”, me drejtues shtetasin M.T., 30 vjeç, banues në Belsh.
Si pasojë e aksidentit janë plagosur shtetasit P.S., dhe Z.Xh.,( e cila ndodhet nën kujdesin e mjekëve), të cilët ishin pasagjerët në mjetin tip “Ford”, si dhe shtetasja Sh.T., e cila ishte pasagjere në mjetin tip “Skoda”, ndodhet jashtë rrezikut për jetën.
Grupi hetimor po punon për zbardhjen e shkakut të aksidentit”.
