Tre “Jet Ski” janë bllokuar në plazhin e Shëngjinit. Policia ka konstatuar se mjetet nuk kishin dokumentacionin për daljen në det. Ata janë ndëshkuar me gjoba deri në 20 mijë lekë të rinj.
“Gjatë verifikimeve, ka rezultuar se drejtuesit e këtyre mjeteve lundruese nuk dispononin dokumentacionet përkatëse për daljen në det dhe drejtimin e mjeteve “Jet ski”.
Në vijim të veprimeve, 3 drejtuesit e mjeteve lundruese u ndëshkuan me masa administrative, 10.000 dhe 20.000 lekë të rinj, bazuar në ligjin Nr. 127/2020, neni 14, pika 1, si dhe u bënë bllokimet e mjeteve të tyre“, ka njoftuar policia.