Në një deklaratë për mediat, ministri i Mbrojtjes Peleshi ka thënë se pas fillimit të agresionit rus në Ukrainë është rritur kërkesa për armatim dhe ka shtuar se uzina e Gramshit do të vihet sërish në funksion.
“Për sa i përket Uzinës së Gramshit nuk është e vërtetë që në uzinë, e cila është jashtë funksionit nuk ka energji elektrike prej tre vitesh. Për shkak të agresionit rus në Ukrainë është rritur kërkesa për armatim. Kemi bërë mirë që nuk e kemi shuar përfundimisht industrinë tonë. Po mendojmë për ti rivendosur në punë këto uzina. Nuk di që sot s’ka energji në uzinë. Nuk ka uzinë në punë. Uzina ka statusin shoqëri aksionere por nuk ka aktivitet prej tre vitesh”, tha Peleshi.
