Një 72-vjeçar është arrestuar në Fier me akuzën e ngacmimit dhe veprimeve të turpshme me të mitur.
Kanë qenë prindërit e dy vajzave që kanë denoncuar të moshuarin në komisariatin e policisë.
”Specialistët për Hetimin e Krimeve të Komisariatit të Policisë Fier ndaluan shtetasin V. Sh., 72 vjeç, banues në Fier.
Ditën e djeshme, kanë bërë kallëzim prindërit e dy shtetaseve të mitura se 72-vjeçari ka kryer vepra të turpshme dhe ka ngacmuar seksualisht vajzat e tyre” njofton policia.
Paraprakisht mësohet se kanë qenë fëmijët që u kanë treguar prindërve, të cilët më pas i janë drejtuar policisë. Tashmë i moshuari do të përballet me akuzat e drejtësisë.
