Në datë 25 gusht në stadiumin “Air Albania” Florian Marku do të ndeshet me boksierin meksikan Miguel Parra Ramirez.
Kryeministri Edi Rama e ka pritur sot në një takim boksierin shqiptar duke i uruar fat për të enjten, kur i tha se vetë nuk do të ishte i pranishëm për shkak të axhendës, por u bëri thirrje qytetarëve për mbështetje.
Gjatë bisedës nuk munguan batutat, ku Rama i kërkoi Markut një palë doreza boksi, si duket referuar situatës politike.
“I nderuar nga vizita e një tjetër ylli të sportit shqiptar, superstarit të ringut. Florian Marku pasnesër, të enjten 25 gusht në Air Albania Arena.
Synon gjerdanin e madh të kampionit të kategorisë sipërore WBC, në një ndeshje për historinë e boksit botëror”, shkruan Rama.
